Şuşa şəhəri işğaldan azad edilib. 
Marja xəbər verir ki, bunu xalqa müraciətində Azərbaycan Prezidenti İlham Əliyev bildirib.
“Əziz həmvətənlər, əziz bacılar və qardaşlar.
Böyük fəxarət və qürur hissi ilə bəyan edirəm ki, Şuşa şəhəri işğaldan azad edildi! Şuşa bizimdir! Qarabağ bizimdir! Bu münasibətlə bütün Azərbaycan xalqını ürəkdən təbrik edirəm! Bütün şuşalıları ürəkdən təbrik edirəm!.
Bu tarixi bir gündə Azərbaycan xalqına bu müjdəni vermək mənim həyatımda bəlkə də ən xoşbəxt günlərimdən biridir.
Əziz Şuşa, sən azadsan!
Əziz Şuşa, biz qayıtmışıq!
Əziz Şuşa, biz səni dirçəldəcəyik!
Şuşa bizimdir! Qarabağ bizimdir! Qarabağ Azərbaycandır!”,- Dövlətimizin başçısı bildirib
Şuşa 28 il yarım işğal altında idi.
"Bu gün Azərbaycan bayrağı Şuşada dalğalanır", - İlham Əliyev deyib.
Prezident Şuşanın da yenidən bərpa ediləcəyini bildirib.