2020-ci il ərzində Azərbaycan pərakəndə satış üçün formalarda və ya bağlamalarda qablaşdırılan 264, milyon 251 min ABŞ dolları (təxminən 449 milyon 227 min manat) dəyərində 19 364 ton dərman vasitələri idxal edib.
Dövlət Statistika Komitəsinin məlumatları əsasında aparılmış hesablamalara görə, COVID-19 pandemiyası fonunda dərman vasitələrinin idxalı ötən il həcm ifadəsində 35,8%, dəyər ifadəsində isə 23% artıb.
Azərbaycana dərman vasitələri göndərən ölkələrə gəldikdə, 2020-ci ildə ölkə ən çox dərmanı Türkiyədən idxal edib. Hesabat dövründə Azərbaycan qonşu ölkədən 51 milyon 987 min dollar dəyərində 2 746  ton pərakəndəlik dərman vasitələri gətirib ki, bu da illik müqayisədə 63,6% (dəyər ifadəsində) çoxdur.
İdxal bazarında ikinci olan Almaniya isə Azərbaycana dərman ixracını 18,4% artıraraq  28 milyon 57 min  dollarlıq 489 ton dərman göndərib.
Üçüncü pillədə qərarlaşan Rusiyadan isə ölkəyə 21 milyon 782 min dollarlıq 5 461 ton dərman tədarük edilib. Bu, illik müqayisədə 2 dəfə çoxdur.
Azərbaycana dərman vasitələrini ixrac edən əsas ölkələr: