Kosmetoloji prosedurlar bir sıra xidmətləri özündə cəmləşdirir.

Üz dərisinin cavanlaşması, üz dərisinin təmizlənməsi , mezoterapiya , karboksiterapiya , biorevitalizasiya , dolğu inyeksiyaları , kimyəvi piling və s. kimi xidmətlərlə zəngindir.

Üz dəri tipləri quru olan insanlar üçün bir sıra maskalar hazırlamaqla bu problemdən xilas olmaq olar. Bir sıra insanlar bir çox kosmetoloji prosedurlardan isifadə edir. Lakin bəzi vaxtlarda bu prosedurlar uğursuzluq ilə nəticələnə bilər.

Bəzən biz müəyyən kosmetoloji mərkəzlərə müraciət edirik. Üzünüz, dəriniz həssasdısa müəyyən kosmetoloji prosedurlardan istifadə edərkən diqqətli olun. Kosmetoloq və ya bu sahənin hər hansı bir mütəxəssisi ilə məsləhətləşmədən kosmetoloji prosedurlardan istifadə etməyiniz tövsiyyə olunmur.

Kimyəvi piling - Üzünüzün tamamilə təmizlənməsini istəyirsinizsə, kimyəvi pilingdən istifadə etməyiniz daha məqsədə uyğundur. Çünki kimyəvi piling üz dərinizin tamamilə soyulması nəticəsində insan daha gözəl və təmiz dəriyə sahib ola bilər.

Mezoterapiya - Dermatologiyada daha çox istifadə olunan metoddur. Mezoterapiya vasitəsilə dərinin orta qatına mezoiynələr vasitəsilə bir çox dərmanlar yeridilir. Bununla yanaşı bir çox vitaminlər, minerallar dəriyə yeridilir və buda dərinin yenilənməsinə gətirib çıxardır.


                                                              Payız aylarında dəriyə qulluq vacibdir 

Havalar soyuduqca üz dərisinə qulluq etmək daha da vacib olur. soyuq və külək dərini qurudur, qan damarları soyuqdan daraldığı üçün dərinin qidalanması pozulur. Dəri daha tez qocalır və təravətini itirir. Soyuq havada qoruyucu və nəmləndirici kremlərdən mütləq olaraq istifadə etmək lazımdı. Dərisi quru olan insanlar axşamlar süd, xama, yağlardan maskalar edə bilər. Bəzən soyuq havada dərinin müəyyən hissəsində hissiyyat itir və həmin nahiyə ağarır. "Bu zaman açıq havadasınızsa, dərhal həmin hissəni sürtmək lazımdır. Ev şəraitində isə zədələnmiş nahiyəyə bitki yağı, vitaminlə zəngin olan balıq yağı çəkmək olar.
 
Payızda bir sıra xroniki xəstəliklər də kəskinləşir, bu da dəridə özünü göstərir. Dəri tədricən xarici faktorlara qarşı müqavimətini itirir. Xüsusi ilə də həssas dərini soyuqdan qorumaq lazımdır. Qoruyucu keyfiyyəti çox yüksək olan bir maska resepti:- "1 stəkan lobya bir neçə saat suda saxlanılır. Sonra isə yumşalana qədər qaynadılır. İsti lobya süzgəcdən keçirilərək yarım limonun suyu və 1 xörək qaşığı zeytun yağı ilə qarışdırılır. Alınan qarışıq üzə çəkilərək üzdə 20-30 dəqiqə saxlanılır və ilıq su ilə yuyulur”.
Soyuq havalarda dəri qorunmalı və qidalandırılmalıdır. "Payız mövsümündə dərinin növündən - yağlı, normal, quru və ya qarışıq olduğundan asılı olaraq, maskalar edilir. Əsasən quru dərili adamlar soyuq hava zamanı daha çox əziyyət çəkirlər. Soyuğun təsirindən dəridə çatlaqlar yaranır, dəri soyulmağa başlayır. Dəridəki xoşagəlməz xüsusiyyətlərin yaranmasının qarşısını almaq üçün əvvəlcə dəri lasyonla silinir. Sonra isə üzərinə maska çəkilir. Maskanı hazırlamaq üçün 1 yumurta sarısı, 1 çay qaşığı zeytun yağı, 1 çay qaşığı un, yarım çay qaşığı limon suyu qarışdırılır. Belə maska dərinin quruluğunu aradan götürür və yumşaldır". Tək dəridə deyil, dırnaqlarda da payız fəslində müxtəlif fəsadlar yaranır. "Xüsusilə soyuq havalarda dırnaqlarda laylanma baş verir, vitamin çatışmamazlığı nəticəsində dırnaqlar qırılmağa, bəzi hallarda hətta çatlamağa başlayır. Bunun qarşısını almaq üçün tərkində bol kalsium olan ərzaqlarla qidalanmaq, dırnaqlara xüsusi möhkəmləndirrici vasitələr çəkmək lazımdır".