Nigar həkim xəstələrə qarşı çox diqqətlidir. Apardığı müalicə böyük effektə malikdir. Bundan əlavə, bildiyiniz kimi, həkimin müalicəsi ilə yanaşı, onun xəstəyə fərdi yanaşması, xəstə ilə təmasını düzgün qurması da, müalicənin səmərəli olmasında böyük rol oynayır. Bu baxımdan, Nigar həkim gənc olmasına baxmayaraq, olduqca yüksək təcrübəyə malikdir.
 5 saylı şəhər klinik xəstəxanasının "Terapiya və allerqologiya" şöbəsinin Həkim -allerqoloqu Dr.Nigar Məmmədovanın həm peşəkar həkim, həm də qayğıkeş və səmimi insan kimi müsbət keyfiyyətlərindən çox danışmaq olar. Onun yüksək insani keyfiyyətləri həm də müalicənin səmərəliliyini və keyfiyyətini artırır, eyni zamanda xəstələrin bir həkim kimi ona olan inamları artır. 
Redaksiyamıza daxil olan məktublar içərisində Dr.Nigar Məmmədovaya edilən minnətdarlıqların sayı – hesabı yoxdur.

Hər şeyə görə sağ olun. Kaş ki, imkanım ola bütün allergik xəstəliyindən əziyyət çəkən insanlarımıza  səslənim. Heç düşünmədən hamınız Nigar həkimi seçin. Sayənizdə Allerqik rinit xəstəliyindən müalicə olundum. Hər dəfə qəbulunuza gələndə sizi görən kimi olan narahatçılıqlarımı unutdum. İstənilən saatda nə vaxt yazsam, yığsam hər an hər sualımı cavablandırmağınızı  unutmayacam. Siz tanıdığım ən gözəl, ən mehriban həkimsiniz. Sakit səsiniz insana hüzur verir, ən ağrılı vəziyyətdə belə hər şeyin gözəl olacağına inandırır.

Sözsüz ki, hansı sahədə çalışmasından asılı olmayaraq, əsas məqsəd işini sevərək yerinə yetirmək və gördüyün işlə insanlara, cəmiyyətə faydalı, gərəkli olmaqdır. Nigar Məmmədovanın timsalında isə sənətini dərindən bilən, həkim adını öz əməlləri ilə layiqincə doğrultmağı bacaran, işini vicdanla yerinə yetirən bütün həkimlərimiz bu cəmiyyətin ən gərəkli, ən çox ehtiyac duyulan və ehtirama layiq şəxsləridir. Bütün insani keyfiyyətləri özündə formalaşdıran, ruhunu ilahiyə təslim edən Nigar həkim şəfalı əlləriylə hələ neçə-neçə xəstənin üzünü güldürüb, ailəsinə sağlamlığı hədiyyə edəcək.
-Sözün əsl mənasında hippokrat andına sadiq həkim Nigar həkimə bütün ziyalı təbəqə, Media nümayəndələri və xalqımız adından dərin minnətdarlığımı bildirərək, həyatda ailəsi - əzizləri ilə bərabər səadət dolu ömür yolu, fəaliyyətində daima uğurlar diləyirik Uca Tanrıdan